Biblioconcertos

Este ano decidimos levar a nosa arte sonora á Biblio. Por iso teremos concertos nela un dos últimos venres de cada mes.
Comezamos en outubro con "AS LANDRIÑAS DO CARBALLO", cantareir@s e pandereteir@s de 2ºA, 2ºB e Dani dos Sapiens. Acompañounos a súa profe da Cultural de Reboreda, Erika, á que lle agradecemos moitísimo a colaboración e lle damos a noraboa. Foi todo un éxito!!! Mirade se non....

E o pasado venres 21 celebramos Santa Icía, patroa d@s músic@s, cun concerto no que as instrumentistas foron algunha das profes do cole. Iso sí, o público presente participou cantando con moito entusiasmo.

¡¡¡Que bonito é facer música entre todos!!!

Feliz "Día de los Muertos"

Mentres esperamos a visita da BRUXA e de PANCHO á aula de Música.....

¡¡¡Literatura, Pintura, Escultura e Música!!!

O próximo xoves 16 de outubro ás 20:00 hs. presentarase o libro "RETALLOS NO VENTO" de Ferxo Mourenza no Multiusos da Xunqueira.

Mesturarase coa Exposición de pintura e escultura
"A TRES MANS" dos artistas plásticos Lolo Nantes, 
Rosa Mozo e Fernando Morales

E tamén co JAZZ  de Alberto Vilas Trío.

¡¡¡TODA UNHA MOSTRA DE ARTE EN INTERACCIÓN!!!

se podedes, non deixedes de asistir

Música para danzar

MÚSICA e DANZA son irmás dende os comezos da civilización. A súa orixe pérdese no tempo e sería imposible dicir cal naceu primeiro.

En ÁFRICA



En CHINA, estas 21 bailarinas interpretan a danza sen poder escoitar a música porque son sordomudas.



Na DANZA CLÁSICA, este ballet ruso de Kirov interpreta a "Danza dos Mirlitóns" do Crebanoces, de Tchaikowsky



Dous exemplos de DANZA CONTEMPORÁNEA

Música para nacer...

Mirade o que nos conta a poeta africana Tolba Phanem

 

Música ¿para que?

Nestes días estivemos preguntándonos para que cousas serve a MÚSICA, que facemos os seres humanos con ela dende os comezos da civilización ata agora. E atopamos moitísimas respostas!!!

¡¡¡RETOMAMOS!!!

Logo dun longo descanso involuntario, retomamos a comunicación neste espazo con ilusión.
Este ano a nosa curiosidade estará posta nas ARTES.
Sabiamos que a música é unha linguaxe que pertence ao universo artístico, pero descoñeciamos por que se chamaba así, entón puxémonos a investigar...
E descubrimos que a palabra MÚSICA ven do grego e quere dicir  "A ARTE DAS MUSAS".
As musas eran as nove fillas de Zeus e Mnemósine (deusa da memoria), e polo visto eran as encargadas de animar cantando e danzando as festas dos deuses do Olimpo. Seica tiñan unhas voces marabillosas, e a elas debémoslle o nome de todo o que facemos co SON.
Os artistas cando necesitan inspiración agardan a súa visita.

 Elas son
CALÍOPE: a musa inspiradora dos que escriben poesía épica, aquela poesía que conta aventuras de heroes.
ERATÓ: musa dos que escriben poesía lírica, a que expresa os sentimentos do propio poeta.
POLIMNIA: musa dos creadores de cantos sagrados e himnos dedicados aos deuses.
EUTERPE: musa da música e dos tocadores de frauta.
CLÍO: musa da historia.
URANIA: musa da astronomía.
TERPSÍCORE: musa da danza.
MELPÓMENE: musa da traxedia, que é o teatro grego que representaba historias de deuses, heroes e reis. Rematan sempre de maneira fatídica coa morte ou destrución do personaxe principal.
TALÍA: musa da comedia, teatro que representaba escenas con personaxes comúns que provocaban risa.

Paisaxe Sonora

Alá polo outono-inverno, dúas compañeiras fixeron tomas da paisaxe sonora da súa contorna máis próxima.
María González, de 3ºB gravou o son das
campás da Igrexa de Redondela.
E Gabriela Gesteira, de 4ºA fixo outro tanto no
San Martiño en festas.

Músicos E Veciños

Neste mes de maio, o dúo de zanfonas SOBRE RODAS é o encargado de poñerlle son ás nosas entradas e saídas do cole coa peza "Do Redondo pra Muralla".
O 3 de maio actuaron no Centro Cultural de Valadares, e por suposto tocárona. Aquí a tedes. Aproveitamos para facerlle unha mini-entrevista a
Luis Correa "O Caruncho", unha das "rodas". Mirade. Ese día tamén tocaron OS IRMANDIÑOS DE VINCIOS, que aínda que non son veciños de Redondela, son veciños da nosa contorna pontevedresa. Eles son de Vincios, concello de Gondomar.
E como eles mesmos dixeron no concerto, non hai muiñeira sen xota. Así que aquí tedes a "Jota de Floreano". 

¡¡¡Animádevos a cantar o retrouso!!!

Os dous grupos teñen CD, por se queredes escoitar máis...

MAIOS

levantate maio que tanto durmiches

que pasou o burro e nin siquera o sentiches

MAIO, MAIO, VÍSTETE DE CREGO, CASTAÑÍN PARA MIN

Hai tres anos, na nosa contorna, unha RA algo especial namorouse dun maio...

Foi unha historia creada, sonorizada e representada por compañeiros que estaban en 6º. Se queredes saber máis de como o fixeron, premede AQUÍ

E aquí tedes o ensaio coreográfico, con luz natural e sen roupa negra.

Musiqueamos

MARA, de 2ºA, e MARTA, de 5ºB, tamén musiquean polas tardes....
Mara musiquea no Conservatorio de Redondela, coa trompeta e co piano.
Os seus profes son Manuel Molinos en trompeta, e Santi no piano.
E Marta musiquea co seu propio corpo bailando danzas do folklore galego como a muiñeira e a xota. Faino en Arcade e a súa profe chámase Helena.

Músicos e Veciños

A nosa contorna é tan rica e multicultural que ata temos nela un grupo de TANGO. Chámanse TANGATA e levan 26 anos regalándonos a súa música. E vos preguntaredes por que sendo o tango música do Río da Prata soa aquí, en Redondela.
A cousa é que Artigas Anelo, mestre do BANDONEÓN, é uruguaio; e Laura Quintillán, mestra de VIOLÍN, tamén.
Un día conquistaron aos mestres Alberto Vilas no PIANO, e a Gustavo Barcia no CONTRABAIXO coa beleza das súas melodías e aquí os temos…

¡¡¡Soando na música da alarma do cole!!! 

A peza que escoitamos é Decarísimo, do mestre compositor  Ástor Piazzola

Un verdadeiro luxo. Grazas.

Día da árbore

Aproveitando que hoxe é o Día da Terra, podemos escoitar a paisaxe sonora da subida ao monte no  

Día da Árbore 

(mentres miramos algunhas das fotos). Case sempre a paisaxe visual é máis doada de percibir. Perdémonos moitas cousas do universo sonoro, entre outras razóns, porque o noso propio ruído impídenos escoitar o que a natureza nos ofrece.

Músicos na familia

Gabriela, de 4º A, tamén ten músicos na familia. Pai, tíos e primo forman parte da Charanga Charamujas, agrupación de música moi marchosa que ensaia en Guizán e toca en festas e romarías.
Gabriela aproveitou unha desas actuacións para lles facer unha entrevista, e mirade se non da gana de botar uns agarrados.

¡¡¡MOITAS GRAZAS CHARANGA CHARAMUJAS!!! 

¡¡¡MOITAS GRAZAS GABRIELA!!!

6ºA canta a Rosalía

6ºA quixo achegarse á poesía de Follas Novas dun xeito distinto: en lugar de recitar, cantou.
E cantou Negra Sombra.
Xa fixemos referencia a esta peza na entrada do blog en homenaxe a Rosalía de Castro.
E como sabedes, o que compuxo a música foi o mestre Xoán Montes Capón.
Aquí tedes unha foto del dirixindo o Orfeón Lucense nos xardíns da Deputación de Lugo, no ano 1886.

Foto inédita da exposición "Galicia terra de músicos" do Museo de Pontevedra.
Fotografía: © Arquivo gráfico de Alvarellos Editora

Músicos na familia

Iván Vilas, de 3ºB, e Eva Vilas, dos Coquiños, tamén teñen un músico na familia.
¿Lembrades a peza Gurú que escoitamos na música da alarma no outono? Pois Alberto Vilas, o tío de Eva e Iván, é o líder de Alberto Vilas Quinteto, o grupo de jazz que interpretaba todos os días esa canción para nós.
Neste caso, Iván entrevistou o seu tío seguindo un guión feito na súa clase coas preguntas de tod@s @s compañeir@s.
Aquí tedes o resultado:

 Moitas grazas Iván por facer de reporteiro. 

¡¡¡E moitísimas grazas Alberto por agasallarnos coa música e co teu tempo!!!

Entroido Trobeiro

Como sabedes, este ano o proxecto vai da CONTORNA. Por iso no entroido, 3ºA e 3ºB decidiron poñerse na pel dos trobeiros medievais, concretamente na de un deles que facía a súa arte pola Ría de Vigo, e que fala da ILLA DE SAN SIMÓN na única CANTIGA DE AMIGO que del se conserva.
Trátase do trobeiro MENDINHO.
E así o fixemos:
Pero ¿sabedes o que é un TROBEIRO?
¿E unha CANTIGA DE AMIGO?

Rosalía de Castro

Rosalía de Castro nace un día como hoxe do ano 1837.
A MÚSICA está sempre presente na súa obra, incluso cando non a nomea...
Se cadra esta é a razón pola que inspirou e segue inspirando a moitos compositores.
Pablo Rial Salgueiro, director do Coro Cantares do Brión converteu en canción algúns versos de Cantares Galegos. Foi no ano 2013.
O compositor Xoán Montés Capón (Lugo 1840-1899) xuntou o poema Negra Sombra, de Follas Novas, cun alalá recollido na Cruz do Incio.
Foi presentada por primeira vez no Gran Teatro da Habana no ano 1892.
Aquí é interpretada polo Coro Minero de Turón.

Músicos e Veciños

Coñecedes aos responsables da nova música da alarma? Pois son os integrantes da...

ORQUESTRA DE SAXOS 

do conservatorio de Redondela

dirixida por Elisa Arias Trigo

interpetando 

PAPEPE'S BLUES 

unha peza que Juan Pérez Arias compuxo para o seu avó.

Con Roberto Alejandro González Vieitez no SAXO ALTO

Lucas Rafael Castellano Carrera no SAXO TENOR

e Eduardo Reguera Fernández na BATERÍA

Nestes anos pasaron pola Orquestra  moitos músicos ex-alumnos do noso cole, como por exemplo:
Luis Miguel Rodríguez Martínez            
Carmen e María Oitavén
Adrián Vilaboa           
José Carlos e Pablo Carnero Kheo Kao
Pablo Aguilar Pérez
Javier Pérez Villar ........     

Esta peza aparece no seu último disco que ten como título "EN SAX SIMÓN" 

porque foi gravado na Illa de San Simón.

E aquí tedes a peza completa.

Recolleita de coplas populares

Estamos recollendo coplas populares que falen da nosa CONTORNA. Redondela, as súas parroquias, a súa xeografía...
Comezamos coas achegas das familias de 4ºA e 4ºB.
Se algún de vós coñece máis e quere compartilas con nós, podedes facelo a través dos COMENTARIOS.

¡¡¡¡¡Estaremos encantad@s de engadilas!!!!!

Musiqueamos

Irea, de 5ºB, musiquea co tambor. Faino na Asociación Cultural Santa María do Viso e o seu mestre é Josiño da Teixeira.


Íñigo, de 6ºA, tamén musiquea na mesma asociación, só que o seu instrumento é a gaita, e o seu mestre Manuel Cruces.


Pois ben, estes dous mestres son o tamborileiro e o gaiteiro de Tanto Nos Ten, o grupo co que entramos e saímos do cole ao comezo das clases.

 LEMBRADES?

Sandra e Meirol en Xistralia

O martes 28 fomos ao Centro Cultural Novagalicia en Vigo.
Coñecemos a SANDRA, unha moza cantadeira do norte de Galicia que baixou ao sur para gozar da festa e da música de XISTRALIA…
Tamén coñecemos a MEIROL, un caracol que se converteu en pluriinstrumentista coa axuda dos FASTUDOS, que saben tocar de todo….

¡¡¡E COÑECEMOS A TERCO!!!

TERCO é un dragón vermello de dúas cabezas, primo da nosa COCA, que mentres estabamos no auditorio raptou @s nen@s de Xistralia, a Sandra e tamén a COCA!!! O señor TAMBORILEIRO chamou a un amigo seu.

Tivemos que subir ao escenario con Gabriela e Sheila de 4º A e B, e formar parte das tropas danzantes baixo a dirección do CAPITÁN CENTOULO para liberalos.

En realidade, TERCO @s raptara porque se sentía so e quería festa. Claro, como nos pasa a tod@s…  Dámoslle as moitas grazas a Ana María García, mestra de música do cole de Chans - Bembrive, que andaba por alí e nos fixo de reporteira gráfica.

¡¡¡GRAZAS ANA!!!

A Paz

Moito escoitaremos estes días falar da PAZ.
Pero a paz é algo que ten que empezar no interior de cada un de nós, construíndoa os 365 días do ano.

Músicos e Veciños

Este xaneiro, a música que nos acompaña nas entradas e saídas, é de MARÍA FUMAÇA, un proxecto musical no que participan moitos músicos.
Algúns deles son veciños, como Andrés e Tatán, do grupo TANXARINA.
Outra colaboradora é Irea, a nosa compañeira de 5ºB.

¡¡¡ALEGRÍA!!!

Alegría,uhhh!

Alegría, yes!

Cantemos como é bo

Ser alegre todo o día.

O día amanece;

E con el o noso sol,

Brillante e colorido;

Nun sorriso alto, astral.

As veces é a chuvia que nos ven despertar;

Mais sempre todo o día, a alegría vai estar.

Alegría....

Hai días que desperto

e síntome feliz.

Eu salto entón da cama,

eu quero ser máis feliz.

O día vai pasando,

e a alegría vou xuntando

a noite ven cegando,

a alegría esta sobrando.

Alegría..

Máis aguinaldos

1º A tamén pediu o aguinaldo coa cantiga "Mariñeiro". Mirade todo o que recolleron…

E así cantaron os dous primeiros xuntos o día do festival.

E se queredes lembrar as cantigas coas que pedimos o aguinaldo o ano pasado premede aquí:

AGUINALDOS 2012

Rondalla "entre bastidores"

A pesar de que a palabra RONDALLA define formacións de instrumentos de corda, no sur da provincia de Pontevedra chámanse así as agrupacións de veciños que con instrumentos de vento e percusión percorren as parroquias nestas datas pedindo o aguinaldo.
Nós tivemos que construír algúns destes instrumentos, como os CRISTOS, as CASTAÑOLAS ou as CANAS.
Outros xa nolos regala feitos a natureza:
as PIÑAS, as CUNCHAS, as CABAZAS...
O resto debémolo á fabricación artesanal e industrial.
O vestiario, ás costureiras de 3ºA e 5ºA
 Se queredes ver outro vídeo da saída atoparédelo no blog de 5ºA: IMAXINAESCOLA

Rondalla

Este ano os 3ºs e 5ºs cursos decidimos pedir o aguinaldo dun xeito diferente:

TRABALLANDO TODOS XUNTOS, EN EQUIPO...

E montamos unha RONDALLA para saír a pedir o aguinaldo fóra do cole, polo barrio.

Cada un aportou o mellor que tiña para ofrecer.
As titoras formaron parte da rondalla como músicas, coordinaron horarios, cederon horas e recreos para ensaios...

Algunhas familias achegaron materiais para a construción de instrumentos...
Foi convocado un grupo de nais de 3º A e 5º A para montar un obradoiro de costura polas tardes onde se coseron máis de 65 capas!!! Ata reutilizamos a tea (anteriormente empregada como Río Alvedosa no entroido do 2011).

Raquel, que é de 6º veu con nós tocando a gaita. Iván, tamén de 6º acompañounos coa bandeira do cole e un pandeiro para recoller o que nos deran de aguinaldo.
Os 4ºs cursos axudaron na construción dos cristos.

REDONDELA ofreceunos a Don Casto Sampedro e Folgar  hai xa moito tempo, e da súa man chegou ata nós o agasallo de Vilar de Infesta feito melodía: a Marcha Procesional de Vilar de Infesta.

E cada un d@s pequen@s músic@s demostrou que sabe xestionar de maneira autónoma e responsable o tempo, os espazos e o traballo colaborativo, case sempre en horas de recreo.
Souberon diferenciar dende o principio os momentos de distensión e os de máxima concentración, atención e silencio.

O resultado foi o inmenso pracer de compartir a MÚSICA, de experimentar a forza do colectivo dende cada gran de area individual.



Luisa, Lydia, Cris, Alejandra, Uxía, fadas costureiras de 3ºA, familias e colaborador@s divers@s,

rondalleir@s

GRAZAS

GRAZAS

GRAZAS

Pedimos o aguinaldo

Como todos os anos por estas datas, cargámonos de cantigas e instrumentos e saímos a pedir o aguinaldo...
Así o fixeron os Sapiens



Así 1ºB



Tamén volvemos cargados...pero de doces para facer SUCULENTAS MERENDOLAS!!!!

Este ano 3ºA, 3ºB, 5ºA e 5ºB non pediron o aguinaldo individualmente, MIRADE AQUÍ