Cordófonos

En 1ºA e 1ºB construímos uns cordófonos moi sinxelos, dunha soa corda. O obxectivo era comprobar que canto máis estirabamos a corda, máis aguda soaba!!! E se afrouxabamos, ao revés.
Pero é que ademáis, soan a mar de ben.
Escoitade!!!

Globófonos, tensión da membrana e altura do son

Tiñamos a hipótese de que algúns materiais vibrantes "elásticos" como as cordas e as membranas, ían soar máis agudos se os estirabamos (mentres todo o demáis se mantivese igual).
Construímos pequenos timbaliños con membrana de globo e comprobamos que iamos ben encamiñados.

Fixémolo en 3ºB
Tamén o fixemos en 2ºB

Altura do son III

En 6ºA,  4ºA e 5ºB tamén experimentamos a relación entre o tamaño de dúas fontes sonoras do mesmo material e a altura do son que producen.

Altura do son II

En 2ºB tamén estivemos explorando a relación entre o tamaño de dous obxectos do mesmo material e a altura do son que producen. Pescudamos nas nosas casas....


E logo creamos pequenas partituras de dous sons para tocar por grupos de materiais semellantes.

ALTURA DO SON

Estivemos reflexionando sobre que cousas inflúen na altura dun son, que é o que fai que soe máis agudo ou máis grave...
En 1ºA e 1ºB chegamos á conclusión, logo de explorar diversos materiais, que o tamaño da materia que vibra ten algo que ver nesta calidade do son.
Mirade:

Calidades do son

Utilizamos catro CALIDADES SUBXECTIVAS para describir un SON, tres delas sempre en relación e comparación con outro (por moi agudo, grave, forte, débil, curto ou longo que sexa un son haberá outro que o sexa aínda máis ). E cada un destes atributos depende de un ou máis parámetros físicos que poden ser medidos.

INTENSIDADE: máis forte ou máis débil, responde a unha maior ou menor amplitude de onda. 

ALTURA OU TONO: máis agudo ou máis grave, responde a maior ou menor frecuencia de onda.

DURACIÓN: sons longos ou curtos, teñen que ver coa maior ou menor permanencia desa vibración no tempo, coa lonxitude de onda.

TIMBRE: isto que fai que recoñezamos a voz de cada persoa, instrumento, son coñecido... está determinado polos ARMÓNICOS. É como o carné de identidade de cada son.

MÚSICA E QUÍMICA

Aínda que a relación música-química é menos evidente que a de música-física, non por iso é inexistente.
Ademáis de todas as contribucións da química ao tratamento dos materiais vibrantes para mellorar as súas calidades sonoras, sabemos dende hai un tempo que a música e a danza libre, entre outras disciplinas, son quen de provocar cambios na química do noso cerebro.
As persoas temos un sistema noradrenalínico que nos fai estar preparados para fuxir ou atacar, como na prehistoria. Entón, ante situacións de estrés, o corpo énchese de enerxía física que non gasta...
As danzas libres contrarrestan esa situación producindo hormonas que frean o sistema noradrenalínico, o chamado "CUARTETO DA FELICIDADE" (endorfina, serotonina, dopamina e oxitocina).
E vós diredes, que diferenza hai con facer deporte? Pois... que nas danzas libres o movemento é  iniciado polo corpo, non sabemos onde nos vai levar, non manda a cabeza!!!

No cole bailamos o 1º dos 5 Ritmos de Gabrielle Roth, o FLUÍDO. Un ritmo que nos remite ao nido, ao movemento envolvente, circular...

Teléfono de fíos

Experimentamos co teléfono de fíos, o precursor do teléfono, e comprobamos a velocidade de transmisión do son a través dun sólido (o fío tenso).
A voz dentro do vaso, as pequenas percusións nel, o rozar a propia corda tensa ->

AMPLIFÍCANSE NO VASO, QUE FUNCIONA COMO CAIXA DE RESONANCIA,

VIAXAN A TRAVÉS DO FÍO...

e o que é inaudible á distancia a través do aire, escóitase instantáneamente no outro estremo do fío.

Propagación no medio líquido

Xa miramos no cadro que o son viaxa máis rápido no medio líquido que no gasoso. Tamén que a auga salgada permite máis velocidade que a doce.
Grazas a iso os grandes cetáceos comunícanse a mar de ben (aínda que os separen centos de kilómetros) e empregan a ecolocalización para sortear obstáculos.

Nós, na aula de música, propuxemos algúns experimentos para facer na casa:

1.  aproveitar o momento do baño para mergullar as orellas debaixo da auga da bañeira e comparar como escoitamos bater un par de culleres dentro e fóra da auga. 
2. o mesmo pero na piscina, pedirlle a alguén que nos falase dende fóra, batese na auga ou deixase caer unha pelota.

As conclusións foron que todo o que é percutido DENTRO amplifícase, pero o que soa fóra non se percibe con nitidez.

Tamén experimentamos con dous globos e, aínda que esperabamos moita diferenza entre o globo enchido de auga e o que tiña aire, a maioría de nós ou non notou diferenza ou simplemente percibiu máis grave o son percutido no globo con auga.

O son e a súa propagación

Os SONS, de igual xeito que os infrasons e os ultrasons, son ondas mecánicas que se propagan a través da materia (sólida, líquida ou gasosa).

Non se propagan no baleiro.

E curiosamente o noso medio máis habitual para comunicarnos sonoramente, o medio gasoso (aire), é o medio no que máis lentamente viaxan as ondas...

O medio no que mellor viaxan é o medio sólido,  pero non en todos os sólidos igual. Mirade a táboa:

En clase de música fixemos uns experimentos ben bonitos con CAIXIÑAS DE MÚSICA e DIAPASÓNS.

Música e física

A música é pura física, coma a maioría das cousas que suceden ao noso redor.

A FÍSICA é a ciencia que estuda as propiedades da MATERIA e a ENERXÍA.

A MÚSICA faise con SONS.

E o SON  é o resultado da vibración da MATERIA, 

 poidamos escoitala ou non (sabemos que o oído humano non percibe os infrasons nin os ultrasons, temos un espectro audible que vai máis ou menos dende os 20 Hz aos 20 KHz).

A rama da FÍSICA que estuda todo o relacionado co SON chámase FÍSICA ACÚSTICA.

nota: non esquezades visitar as hiperligazóns!!!

Ambientes

Observamos que as nosas cancións soan moi diferentes dependendo do espazo no que sexan interpretadas. Ten que ver co que normalmente se chama SON AMBIENTE.
Aquí vai o exemplo co grupo de 5ºA... aproveitando que o Magosto está a chegar.

A música, cousa de física e química...

Novo curso, novo proxecto.
Este ano o proxecto do Cole é Física e Química.
O noso traballo na aula de Música consistirá en atopar todas as relacións posibles entre a música e as anteriores.
Xa estamos recollendo pareceres e crenzas.

MÚSICA E ANIMAIS

E chegou o día do noso

I CONGRESO DO COLEXIO DE REBOREDA.

Premendo na imaxe viaxaredes a unha presentación virtual na que está todo o traballado durante este curso relativo ao noso tema, a relación entre MÚSICA E ANIMAIS.

BOA VIAXE!!!

Baño sonoro SORPRESA.

Aproveitando a celebración do

I CONGRESO DO COLEXIO DE REBOREDA, 

o grupo de 3ºB vai estrear un baño sonoro que, nesta ocasión, non podemos desvelar...
Soará máis ou menos así:

Baño sonoro de abril. Unha viaxe fóra e dentro da casa.

Este baño sonoro foi realizado por 4ºB.
É o baño sonoro máis teatral e inspirado nunha paisaxe sonora moi coñecida pola maioría de nós, A CASA, dentro e fóra dela.
Aparecen nel animais e sons domésticos, tamén algún dos animais libres que podemos escoitar dende o noso fogar...
Así foi

Baño sonoro de xaneiro. Unha viaxe á sabana

Aquí tedes o rexistro en vídeo do último baño sonoro, o de xaneiro ofrecido por 4ºA
Sabemos que nada se compara con viaxar en vivo e en directo, pero así vos podedes facer unha idea.
Benvidos á sabana!! 

EXCELENTE TRABALLO 4ºA!!! 

NORABOA!!!

BIBLIOCONCERTOS. Baño sonoro de xaneiro

Comezamos o 2018 e esta paisaxe sonora é a que escoitaredes se asistides o póximo venres 26 de xaneiro ao Baño sonoro co que nos agasallarán @s compañeir@s de 4ºA.
Arriscádevos a dicir por onde viaxaremos?

Botei uma flor na janela

botei uma flor na janela

pra Iemanjá ver do mar 

da lua olhando pra ela

São Jorge vai abençoar 

com a força que vem com as ondas 

e os raios que vêm do luar

encontro amor e alegria

pro ano que vai começar 

desejo pro ano que vem 

tudo de bom e do bem

pra você e para os seus 

dê boas vindas aos sonhos 

tristezas e mágoas, adeus

procure pelos bons caminhos

estradas de luz e de paz 

a gente não tem que ter muito

a gente precisa é SER mais

Boas festas

Bó nadal e un 2018 cheo de música!!!