“Cuaderno de bitácora” proposta

Ola!!!!
Vouvos propoñer a toda a familia do cole de Reboreda, dende @s máis pequen@s ata @s máis maiores, unha experiencia co traballo de Alberto Vilas, o noso pianista da contorna.
Elixide unha peza da súa lista ao chou, poñédevos cómod@s ou tumbad@s, pechade os ollos e deixádevos levar imaxinando unha paisaxe.
Logo, ao rematar a peza, collede papel e boli ou ceras e describide nun texto ou debuxo como é esa paisaxe, polo miúdo, sen esquecer nada do que alí aparece.
Se vos presta podedes compartir!!!!

mandádemo a musisabel2@gmail.com

Boa viaxe!!!

Paisaxe Sonora

Alá polo outono-inverno, dúas compañeiras fixeron tomas da paisaxe sonora da súa contorna máis próxima.
María González, de 3ºB gravou o son das
campás da Igrexa de Redondela.
E Gabriela Gesteira, de 4ºA fixo outro tanto no
San Martiño en festas.

Músicos E Veciños

Neste mes de maio, o dúo de zanfonas SOBRE RODAS é o encargado de poñerlle son ás nosas entradas e saídas do cole coa peza "Do Redondo pra Muralla".
O 3 de maio actuaron no Centro Cultural de Valadares, e por suposto tocárona. Aquí a tedes. Aproveitamos para facerlle unha mini-entrevista a
Luis Correa "O Caruncho", unha das "rodas". Mirade. Ese día tamén tocaron OS IRMANDIÑOS DE VINCIOS, que aínda que non son veciños de Redondela, son veciños da nosa contorna pontevedresa. Eles son de Vincios, concello de Gondomar.
E como eles mesmos dixeron no concerto, non hai muiñeira sen xota. Así que aquí tedes a "Jota de Floreano". 

¡¡¡Animádevos a cantar o retrouso!!!

Os dous grupos teñen CD, por se queredes escoitar máis...

Musiqueamos

MARA, de 2ºA, e MARTA, de 5ºB, tamén musiquean polas tardes....
Mara musiquea no Conservatorio de Redondela, coa trompeta e co piano.
Os seus profes son Manuel Molinos en trompeta, e Santi no piano.
E Marta musiquea co seu propio corpo bailando danzas do folklore galego como a muiñeira e a xota. Faino en Arcade e a súa profe chámase Helena.

Músicos e Veciños

A nosa contorna é tan rica e multicultural que ata temos nela un grupo de TANGO. Chámanse TANGATA e levan 26 anos regalándonos a súa música. E vos preguntaredes por que sendo o tango música do Río da Prata soa aquí, en Redondela.
A cousa é que Artigas Anelo, mestre do BANDONEÓN, é uruguaio; e Laura Quintillán, mestra de VIOLÍN, tamén.
Un día conquistaron aos mestres Alberto Vilas no PIANO, e a Gustavo Barcia no CONTRABAIXO coa beleza das súas melodías e aquí os temos…

¡¡¡Soando na música da alarma do cole!!! 

A peza que escoitamos é Decarísimo, do mestre compositor  Ástor Piazzola

Un verdadeiro luxo. Grazas.

Día da árbore

Aproveitando que hoxe é o Día da Terra, podemos escoitar a paisaxe sonora da subida ao monte no  

Día da Árbore 

(mentres miramos algunhas das fotos). Case sempre a paisaxe visual é máis doada de percibir. Perdémonos moitas cousas do universo sonoro, entre outras razóns, porque o noso propio ruído impídenos escoitar o que a natureza nos ofrece.

Músicos na familia

Gabriela, de 4º A, tamén ten músicos na familia. Pai, tíos e primo forman parte da Charanga Charamujas, agrupación de música moi marchosa que ensaia en Guizán e toca en festas e romarías.
Gabriela aproveitou unha desas actuacións para lles facer unha entrevista, e mirade se non da gana de botar uns agarrados.

¡¡¡MOITAS GRAZAS CHARANGA CHARAMUJAS!!! 

¡¡¡MOITAS GRAZAS GABRIELA!!!

Músicos na familia

Iván Vilas, de 3ºB, e Eva Vilas, dos Coquiños, tamén teñen un músico na familia.
¿Lembrades a peza Gurú que escoitamos na música da alarma no outono? Pois Alberto Vilas, o tío de Eva e Iván, é o líder de Alberto Vilas Quinteto, o grupo de jazz que interpretaba todos os días esa canción para nós.
Neste caso, Iván entrevistou o seu tío seguindo un guión feito na súa clase coas preguntas de tod@s @s compañeir@s.
Aquí tedes o resultado:

 Moitas grazas Iván por facer de reporteiro. 

¡¡¡E moitísimas grazas Alberto por agasallarnos coa música e co teu tempo!!!

Entroido Trobeiro

Como sabedes, este ano o proxecto vai da CONTORNA. Por iso no entroido, 3ºA e 3ºB decidiron poñerse na pel dos trobeiros medievais, concretamente na de un deles que facía a súa arte pola Ría de Vigo, e que fala da ILLA DE SAN SIMÓN na única CANTIGA DE AMIGO que del se conserva.
Trátase do trobeiro MENDINHO.
E así o fixemos:
Pero ¿sabedes o que é un TROBEIRO?
¿E unha CANTIGA DE AMIGO?

Músicos e Veciños

Coñecedes aos responsables da nova música da alarma? Pois son os integrantes da...

ORQUESTRA DE SAXOS 

do conservatorio de Redondela

dirixida por Elisa Arias Trigo

interpetando 

PAPEPE'S BLUES 

unha peza que Juan Pérez Arias compuxo para o seu avó.

Con Roberto Alejandro González Vieitez no SAXO ALTO

Lucas Rafael Castellano Carrera no SAXO TENOR

e Eduardo Reguera Fernández na BATERÍA

Nestes anos pasaron pola Orquestra  moitos músicos ex-alumnos do noso cole, como por exemplo:
Luis Miguel Rodríguez Martínez            
Carmen e María Oitavén
Adrián Vilaboa           
José Carlos e Pablo Carnero Kheo Kao
Pablo Aguilar Pérez
Javier Pérez Villar ........     

Esta peza aparece no seu último disco que ten como título "EN SAX SIMÓN" 

porque foi gravado na Illa de San Simón.

E aquí tedes a peza completa.

Recolleita de coplas populares

Estamos recollendo coplas populares que falen da nosa CONTORNA. Redondela, as súas parroquias, a súa xeografía...
Comezamos coas achegas das familias de 4ºA e 4ºB.
Se algún de vós coñece máis e quere compartilas con nós, podedes facelo a través dos COMENTARIOS.

¡¡¡¡¡Estaremos encantad@s de engadilas!!!!!

Musiqueamos

Irea, de 5ºB, musiquea co tambor. Faino na Asociación Cultural Santa María do Viso e o seu mestre é Josiño da Teixeira.


Íñigo, de 6ºA, tamén musiquea na mesma asociación, só que o seu instrumento é a gaita, e o seu mestre Manuel Cruces.


Pois ben, estes dous mestres son o tamborileiro e o gaiteiro de Tanto Nos Ten, o grupo co que entramos e saímos do cole ao comezo das clases.

 LEMBRADES?

Músicos e Veciños

Este xaneiro, a música que nos acompaña nas entradas e saídas, é de MARÍA FUMAÇA, un proxecto musical no que participan moitos músicos.
Algúns deles son veciños, como Andrés e Tatán, do grupo TANXARINA.
Outra colaboradora é Irea, a nosa compañeira de 5ºB.

¡¡¡ALEGRÍA!!!

Alegría,uhhh!

Alegría, yes!

Cantemos como é bo

Ser alegre todo o día.

O día amanece;

E con el o noso sol,

Brillante e colorido;

Nun sorriso alto, astral.

As veces é a chuvia que nos ven despertar;

Mais sempre todo o día, a alegría vai estar.

Alegría....

Hai días que desperto

e síntome feliz.

Eu salto entón da cama,

eu quero ser máis feliz.

O día vai pasando,

e a alegría vou xuntando

a noite ven cegando,

a alegría esta sobrando.

Alegría..

Rondalla "entre bastidores"

A pesar de que a palabra RONDALLA define formacións de instrumentos de corda, no sur da provincia de Pontevedra chámanse así as agrupacións de veciños que con instrumentos de vento e percusión percorren as parroquias nestas datas pedindo o aguinaldo.
Nós tivemos que construír algúns destes instrumentos, como os CRISTOS, as CASTAÑOLAS ou as CANAS.
Outros xa nolos regala feitos a natureza:
as PIÑAS, as CUNCHAS, as CABAZAS...
O resto debémolo á fabricación artesanal e industrial.
O vestiario, ás costureiras de 3ºA e 5ºA
 Se queredes ver outro vídeo da saída atoparédelo no blog de 5ºA: IMAXINAESCOLA

Rondalla

Este ano os 3ºs e 5ºs cursos decidimos pedir o aguinaldo dun xeito diferente:

TRABALLANDO TODOS XUNTOS, EN EQUIPO...

E montamos unha RONDALLA para saír a pedir o aguinaldo fóra do cole, polo barrio.

Cada un aportou o mellor que tiña para ofrecer.
As titoras formaron parte da rondalla como músicas, coordinaron horarios, cederon horas e recreos para ensaios...

Algunhas familias achegaron materiais para a construción de instrumentos...
Foi convocado un grupo de nais de 3º A e 5º A para montar un obradoiro de costura polas tardes onde se coseron máis de 65 capas!!! Ata reutilizamos a tea (anteriormente empregada como Río Alvedosa no entroido do 2011).

Raquel, que é de 6º veu con nós tocando a gaita. Iván, tamén de 6º acompañounos coa bandeira do cole e un pandeiro para recoller o que nos deran de aguinaldo.
Os 4ºs cursos axudaron na construción dos cristos.

REDONDELA ofreceunos a Don Casto Sampedro e Folgar  hai xa moito tempo, e da súa man chegou ata nós o agasallo de Vilar de Infesta feito melodía: a Marcha Procesional de Vilar de Infesta.

E cada un d@s pequen@s músic@s demostrou que sabe xestionar de maneira autónoma e responsable o tempo, os espazos e o traballo colaborativo, case sempre en horas de recreo.
Souberon diferenciar dende o principio os momentos de distensión e os de máxima concentración, atención e silencio.

O resultado foi o inmenso pracer de compartir a MÚSICA, de experimentar a forza do colectivo dende cada gran de area individual.



Luisa, Lydia, Cris, Alejandra, Uxía, fadas costureiras de 3ºA, familias e colaborador@s divers@s,

rondalleir@s

GRAZAS

GRAZAS

GRAZAS

Músicos e Veciños

Xa temos nova música na alarma do cole. Esta vez os veciños son da BANDA DE MÚSICA DE CHAPELA.
Están a interpretar a peza "REDONDELA" do compositor ponteareano (fillo dunha redondelá) Reveriano Soutullo.
Podedes ver este concerto dirixido por Severino Pedrosa no seguinte vídeo.
Por certo:
¿Sabedes cal é a diferenza entre unha BANDA DE MÚSICA e unha ORQUESTRA SINFÓNICA?
¿Sabiades que existen as BANDAS SINFÓNICAS?
¿Sabedes onde se atopa a placa que vedes a continuación?

Musiqueamos

Algún de nós tamén MUSIQUEA fóra do cole, en diferentes espazos do noso contorno: conservatorios, escolas de música, asociacións culturais, etc.
Alba vai a aulas de violín no Centro Cultural "Chan das Pipas" en Saxamonde e o seu profe chámase Felipe Rodicio.



Iván musiquea na Asociación Cultural de Reboreda. Neste caso está a tocar o bombo co grupo de gaitas inda que seguramente en pouco tempo estará tocando a gaita.

Músicos na familia

Carlos García Pazos, de 4ºA, ten un músico na familia.
O seu pai, Carlos García Gómez toca o GUITARRÓN nun MARIACHI e o BAIXO ELÉCTRICO na RONDALLA de Redondela.
Carlos fillo entrevistou a Carlos pai...



Nós xa coñeciamos a Carlos pai porque o curso pasado estivo no cole cos seus compañeiros do MARIACHI VIGO para ensinarnos o guitarrón e tocar con nós unhas cancións. ¿Lembrades?

Mirade AQUÍ.

¡¡¡MOITAS GRAZAS CARLOS E CARLOS!!!!

Paisaxe Sonora

O venres pasado, aproveitando a visita que @s nen@s de Infantil fixeron a vila de Redondela, quedamos para escoitar pasar o TREN que vai dende Vigo a Santiago e recoller o son cunha gravadora moi potente.



Agardaba por el@s xusto debaixo do Viaduto probando o aparato cando me sorprendeu un tren co que non contaba: o que vai ao revés, dende Santiago a Vigo. Escoitade como soaba:



Pouco tempo despois chegaron @s nen@s, as profes e tamén o tren que viña de Vigo e que esperábamos que pasase ás 12:40.

Escoitade como soaba:


Se poñedes atención ao escoitar as dúas paisaxes sonoras (sobre todo se empregades auriculares coa letra R e L colocadas na orella dereita e esquerda respectivamente) notaredes as diferenzas de velocidade, de dirección, de duración, de intensidade, etc. entre os dous trens.

Músicos e Veciños

Xa vos decatastes de que mudou a música que soa no timbre de entrada e saída. Xa non é folk galego.
Neste outono estamos a comezar e rematar a nosa mañá escoitando JAZZ. 
Jazz da nosa contorna, de Redondela.
Trátase do ALBERTO VILAS QUINTETO interpretando a peza GURÚ do disco EXPERIANZA.

E Alberto Vilas, ademáis de ser músico e veciño, e o tío de Eva e Iván Vilas.
Podedes ver ao grupo tocando esta peza o ano pasado no pub "Jazz FILLOA" de A Coruña.