martes, 25 de abril de 2023

25 de abril, Revolução dos Cravos

Na aula de música gústanos esta revolución. Nela trocáronse balas por carabeis e todo dependeu de que soara unha cantiga na Radio Nacional.

luns, 20 de febreiro de 2023

O meu vídeo favorito de frautas

E aquí vos deixo un vídeo deste cuarteto de mulleres QUARTET NEW GENERATION, que xogan coas frautas coa mesma facilidade coa que falan.

NON VOLO PERDADES!!!


A frauta de bico ou frauta doce

 A frauta, ese aerófono de bisel con canal de insuflación que nos está a ocupar os cinco minutiños diarios de entrenamento, é moito máis que as nosas frautiñas brancas de plástico. 

Ten unha historia moi interesante que xa vos contarei, pero polo de agora déixovos uns vídeos para que vexades a diversidade de instrumentos, tamaños e músicas que fan.

E si, son TODAS FRAUTAS!


Clasificación dos instrumentos musicais

Déixovos aquí un pequeno vídeo sobre a clasificación dos instrumentos musicais (para nós todo aquilo capaz de producir son). 

En cada "familia" dentro do vídeo podedes picar no seu nome para ampliar a información. Non deixedes de facelo.  

Preme na imaxe


 

luns, 26 de setembro de 2022

POR QUE LLE CHAMAN A SÉTIMA ARTE?

Xa na antiga Grecia había unha lista de artes que tiñan cadansúa MUSA. Lembrades? AQUÍ tedes a entrada que fala diso.

No Renacemento (arredor do ano 1300) fórmase outra lista de belas artes:

1º A arquitectura

2º A escultura

3º A pintura

4º A música

5º A literatura e poesía

6º A danza 

Mais cara finais do século XIX nace o cine e Ricciotto Canudo -periodista, dramaturgo e crítico de cine-, no seu "Manifesto das sete artes", incorpórao e así lle chama.


O Manifesto foi publicado no 1911 e alí preséntase o cine como unha arte que incorpora, dalgún xeito, a todas as anteriores. Unha arte "en movemento" pero non en tempo real.



venres, 23 de setembro de 2022

A SÉTIMA ARTE. O que non se ve

 Olaaaaaa!

Volvemos abrir esta xaneliña porque este curso ben o merece. Vai ser unha viaxe DE PELÍCULA!!! Quedades convidad@s a asomarvos.


"A ARTE CINEMATOGRÁFICA PARÉCESE Á MÚSICA MÁIS QUE A CALQUERA OUTRA ARTE"

Charles Chaplin


xoves, 17 de xuño de 2021

Rematando este curso tolo...

 

Moi boas!

Este curso foi tan raro que non nos quedou tempo para manter actualizado o blog...

Pero mañá temos un pequeno concerto en directo co grupo de 1ºB ao que quedades convidad@s dende aquí, xa que non terán a oportunidade de contar con público en directo.

Se vos animades....

 

domingo, 21 de xuño de 2020

Bo verán!!!

Hoxe empeza o verán, tamén é a festa da música....

Despois destes meses atípicos comezan as vacacións, e eu vouvos propoñer que aproveitedes un momentiño de cada día para:

BAILAR!!!


Xa sabemos todos os beneficios que aporta a danza ao noso corpo, mente e emoción:

  • mellora a autoestima
  • fomenta a creatividade
  • fortalece o corazón
  • pon a funcionar o "cuarteto da felicidade" (endorfina, dopamina, serotonina e oxitocina)
  • deixa fluír as emocións dándolle unha saída corporal
  • aumenta a enerxía
  • favorece a expresión con liberdade
Face unha lista coas vosas cancións favoritas e...

Bailade sen pensar, deixade que mande o corpo, pechade os ollos se podedes...

BAILADE COMA SE NINGUÉN VOS ESTIVESE MIRANDO!!!

GOZADE!!! 

VÉMONOS EN SETEMBRO. BO VERÁN!!!

venres, 19 de xuño de 2020

Mauro e Beatriz musiquean na casa

Mauro faino tocando o seu violín, que como xa sabemos é un cordófono que neste caso é fretado.
Bravo Mauro!!!


E Beatriz foi a Marín a comer laranxas acompañada da súa frauta.
Brava Beatriz!!!

Beatriz, Sara e Hugo danzan como os flamengos

Que bonito é danzar!

E que ben o fan Beatriz, Sara e Hugo!

Mirade se non é certo:



mércores, 17 de xuño de 2020

Cantamos coas mans

Xa temos as primeiras cancións!!!!

A ver se descubrides cales son, porque eu  aínda teño que seguir escoitando un pouco máis.

Sara cantounos esta:



Izan esta outra


E Yago O. tamén mandou esta...




PECHADE OS OLLOS E DEIXADE QUE VEÑA...

luns, 15 de xuño de 2020

Cantando coas mans

Vouvos propoñer elixir unha canción que teñamos cantado tod@s no cole, pero en lugar de cantala coma sempre, imos intentar cantala coas mans facendo palmas ou batendo dedos dunha man contra a palma da outra.
Gravádevos (pode ser audio ou vídeo) e mo enviades a musisabel2@gmail.com ou por whatsapp ao 607409217.
Trátase de que o resto recoñeza cal é a canción que estamos "cantando" coas mans, é dicir: trátase de recoñecer unha canción completa (ritmo, melodía, letra...) só escoitando o seu ritmo.

Empezo eu!!! Esta é moi sinxela!!! Que estou a interpretar?


Carla e Mar musiquean na cociña

E non o fan soas, acompáñaas o papá mentres a mamá fai de camarógrafa!!!

Mirade!!!


mércores, 10 de xuño de 2020

Poñéndonos ao día para despedirnos

Ola!!!!

O remate deste curso peculiar estáse achegando.

Se alguén de vós quere enviarme algo de calquera das propostas aínda estades a tempo. Tedes ata o 18 de xuño para facelo.

Podedes enviarmo por correo a: musisabel2@gmail.com 

Se picades no voso curso atoparedes todas as propostas específicas para vós.













Ánimo!!! Xa non queda nada!!!

Unha proposta máis

No debuxo da PAISAXE DE PRIMAVERA hai polo menos 13 sons diferentes.
Propóñovos que elixades un dos sons e o imitedes vocal ou corporalmente (non podedes empregar obxectos), o gravedes e mo enviedes a musisabel2@gmail.com ou por whatsapp ao 607409217.

Cando elixades son facede un comentario e revisade os anteriores. Ata que non se completen os 13 non poderedes repetir sons. Fixádevos se o que elixistes non está collido xa.

Un, dous, tres.....GRAVANDO!!!

martes, 9 de xuño de 2020

O Hang Drum

A propósito dunha inquedanza de Teo e Alán sobre este instrumento que aparece no vídeo de Donosti desta ENTRADA,  aproveito para contarvos un pouco del.

O Hang drum é un idiófono de metal no que un mesmo corpo produce sons de diferente altura en diferentes sitios, dependendo do grosor do metal conseguido nel a través de marteladas na construción. Foi creado no ano 1999 por Félix Rohner e Sabina Schärer en Berna, Suiza. E soa así:





Xa a mediados do século XX, en Trinidad e Tobago, illas do Caribe, tiñan orquestras de tambores metálicos utilizando vellos barrís desbotados polo exército dos Estados Unidos na 2ª guerral mundial.