Reconstruíndo timbais

Tiñamos, na aula de música, uns vellos timbaliños feitos por nenos que xa acabaron a universidade...
Algúns coa membrana (vexiga de porco) rota, así que @s nen@s de 2ºA decidiron arranxalos e de paso comprobar aquilo da relación entre tamaño, tensión e altura do son.

  

Cordófonos

En 1ºA e 1ºB construímos uns cordófonos moi sinxelos, dunha soa corda. O obxectivo era comprobar que canto máis estirabamos a corda, máis aguda soaba!!! E se afrouxabamos, ao revés.
Pero é que ademáis, soan a mar de ben.
Escoitade!!!

Globófonos, tensión da membrana e altura do son

Tiñamos a hipótese de que algúns materiais vibrantes "elásticos" como as cordas e as membranas, ían soar máis agudos se os estirabamos (mentres todo o demáis se mantivese igual).
Construímos pequenos timbaliños con membrana de globo e comprobamos que iamos ben encamiñados.

Fixémolo en 3ºB
Tamén o fixemos en 2ºB

Teléfono de fíos

Experimentamos co teléfono de fíos, o precursor do teléfono, e comprobamos a velocidade de transmisión do son a través dun sólido (o fío tenso).
A voz dentro do vaso, as pequenas percusións nel, o rozar a propia corda tensa ->

AMPLIFÍCANSE NO VASO, QUE FUNCIONA COMO CAIXA DE RESONANCIA,

VIAXAN A TRAVÉS DO FÍO...

e o que é inaudible á distancia a través do aire, escóitase instantáneamente no outro estremo do fío.

Rondalla "entre bastidores"

A pesar de que a palabra RONDALLA define formacións de instrumentos de corda, no sur da provincia de Pontevedra chámanse así as agrupacións de veciños que con instrumentos de vento e percusión percorren as parroquias nestas datas pedindo o aguinaldo.
Nós tivemos que construír algúns destes instrumentos, como os CRISTOS, as CASTAÑOLAS ou as CANAS.
Outros xa nolos regala feitos a natureza:
as PIÑAS, as CUNCHAS, as CABAZAS...
O resto debémolo á fabricación artesanal e industrial.
O vestiario, ás costureiras de 3ºA e 5ºA
 Se queredes ver outro vídeo da saída atoparédelo no blog de 5ºA: IMAXINAESCOLA