David e Marcos tamén musiquean

David (d'As formigas do profe Esteban) e Marcos de 2ºB estiveron musiqueando xuntos na casa.

Primeiro David tivo unha idea boísima para paisaxe sonora e logo apareceu Marcos e sumouse ao son. Que escoitades aquí?

musiquer@s · David "As formigas" e Marcos 2ºB

E logo estiveron practicando coas piña. Artistas!

Natalia musiquea

Natalia, de 3ºB, tamén musiquea na casa. Faino tocando as piñas, cunchas e culleres.

Mirade!!!

Andrea e Diego tamén musiquean na casa.

E así o comparten con nós. Mirade que ben o fan.

Andrea xa colleu o ritmo das panaderas.




Tamén practicou coas piñas


E viaxou coa frauta nun bote de vela


Diego tocou "La flor de la Cantuta" e conseguiu que a frauta non lle caese ao río, como lle pasou ao pastor


Por iso puido chegar a Marín

Percusión miúda galega. Piñas, culleres e cunchas.

A nosa percusión é moi variada, moi diversa e conta, entre outros obxectos, coas piñas (se colledes no monte que non sexan máis de dúas), as culleres que tod@s temos na casa, e as cunchas de vieira, que non son difíciles de conseguir. As piñas e as cunchas son instrumentos cos que nos agasalla a nai natureza, e as culleres de madeira, malia que hai que darlles forma, tamén!

As tres son idiófonos, é dicir: o elemento vibrante é todo o corpo do instrumento.

Imos lembrar un pouco como é a técnica básica para poder acompañar as nosas cancións.